مفاخر الأمراء الكرام مراجع الكبراء الفخام وأولوا القدر والاحترام المختصين بمزيد عناية الملك العلام ممالك محروسمده واقع اولان سنجاق بكاري وقبودانر دام عزهم ومفاخر القضاة والحكام معادن الفضائل والكلام ذكر اولنان یرلرده اولان قاضيلر زيد فضلهم توقيع رفيع همایون وأصل أوليجاق معلوم اولاكه ممالك محروسمده تجارت ایدن افرنج تاجر لرندن دارندكان فرمان همایون برانتون واوراسيوولد بانديني نام بازر کانلر دركاه معلامه کلوب ولایت فرنكستاندن تجارت ايجون بعض متاع وعربي وفارسي وتوركي باصما بعض معتبر کتابلر ورساله لر کتوروب ممالك محروسمده کندو حا للرنده بيع وشرا ايدر لرايكن بعض كمسنه لريولده وايزده واسكله ومعبر لرده فضولي يوكلرين ييقوب دنكلرین بو زوب ايجندن بکندوکاري اقمشه وساير امتعه قسمني اقجه سوز وجزوي بها ايله جبرا الوب وسزده عربي وفارسي كنابلرنيلر ديو تجارت ايجون كتور دوكلري جميع كتابلرني اللرندن الوب بهاسن ويرميوب وكند ولرك ووکيلارینك واد ملرينك بيع وتجار تلرينه مانع اولد قلرین بلدروب من بعد امن وامان اوزره کلوب کيدوب كندو حالدرنده تجارت اتدوکلرنده ورسرد دخل الميوب منت وبحانا متاعلري النميوب ويوكلري بوز لميوب منع او لنمق بابنده حکم همایونم طلب اتدوكلري اجلدن بيوردم که حکم شریعمله هرقنکزك تحت حكومتنده داخل اولور لرايسه يولده وایزده ومنازل ومراحلده واسكلرلر ومعبرده کندوحا للرنده امن وامان اوزره بيع وشرا وتحارت ایدرلرکن خارجدن برفردي متاعلرينه دخل اندرميوب وصاحبنك رضاسي اولمدين جبرا برنسنه لرین وأول مقوله كتابلرين غصب اتدرميوب هرنه الور لرايسه حسن رضا لريله بيع ايدنلردن بتمام دكر بها لريله الدروب اقجه سوز و یااکسوك بها ایله جزوبدن وکليدن برنسنه لرين الدرميوب من بعد مذكوران بازركانلره ووكيللرينه وادملرینه شرع شریفه وعهدنا مه همایونه مخالف اصلا وقطعا كمسنه دخل وتجاوز اتدرمبه سز ممنوع اولميوب عناد ومخالفت ايلينلري اسما لريله يازوب عرض ايليه سز بو حصوص ايجون تكرار شكايت اندرميه سزشویله بلسز وبعد اليوم بوحكم شريغمي اللرنده ابقا ایدوب علامت شریفه اعتماد قلاسز. تحريرا في اوايل ذي الحج سنه ست و تسعين وتسعمايه. محروسه قسطنطينية.
