أوقرانيا، روسيه وتوركيه (مقالەلر مجموعەسى)/اوقراینا جمعیت استخلاصيەسنك پروغرمی
روس - آوستريا حدودينك هرايكى طرفنده واقع واوقرايناليلر ايله مسكون اراضی اوزرنده قطعی میدان محاربەلری اجرا اولنان بر جدالكاه حالته کلدی. بوندن دها مهم برشی واردرکه اوده اوقراینا قطعەسنك ايكى طرف مخاصملركده ثمرۀ ظفر اولەرق تصاحب وتملك ايتمك ايستدکلری بر مملکت اولمسيدر.
اوقرايناليلر بحق دييەبيليرلركه محاربۀ حاضره اونلرك طالع ومقدراتی صورت قطعيەده تعيين وتقرير ايدەجکدر. آوستريادەيشابه - بيلديكمز حيات مليەنك ملجأى اولان اوقراينا (پيەمونن)نك يعنى غاليچيانك محووخراب می اوله جنى يوقسه حيات مليەمزك (زبروز) - ایلریسته و (دنیەپەر) نهرینی آشهرق قرەدكز ساحللرينه قدر كمال شعشعه ايله توسع و انکشاف می ایدەجکی بوحرب نهايتنده آكلاشيله جق بر شیدر. روسیەده ربقه اسارت آلنده يشايان اوقراینالیلر شمدیکی حادثاته قارشو قابل دكل لاقيد وعاطل بر سيرجى موقعنده قالەمزلر بناء عليه اونلر استقلال ملیلرینی طلب خصوصندەکی حق صريحلرنى بوتون جهـانه طویورمق ايچون سسلرنی اولانجه قوتلري ايله يوكسلتيورلر.
تاريخك احداث ایندیکی ضرورتلر روسیه ایله اوروپا آرەسنده مستقل براوقراينا حكومتنك موجوديتنى كمال شدتله استلزام ایلکدەدر. آنجق بو صورتله اوروپاده دواملی بر صلح وصلاح تأسيس وتأمين اولنه بیلەجكدر.
بویله بر حكومتك تشكیلی هم آوستريا - مجارستان حكومتنك منافع حیاتیەسی نقطه سندن مبرم همم ده آوستريا - مجارستان آلمانلرينك و نفس آلمانیا اهاليسنك سكون و حضور ایچنده انکشاف وترقيلری ايچون اهم والزمدر. اوقراينا حکومت مستقلەسنك ساحۀ وجوده چیقسی ایسه اوقرايناليلرك عصر اردن بری بسلدکلری واوقشادقلری اك معزز ومقدس برامللرينك نهايت تحققى ديمك اوله جقدر.
روسیەده مقیم اوقرايناليلر بو حقیقتى درك وتيقن ايتدكدن صوكره «اوقراينا هیئت استخلاصیەسی» نامیله عمومی بر تشکیلات مليەبي وجوده كتيرديلر. بو هيئته مترتب وظیفه ایسـه روس الكاسنده ساکن اوقراينا ملتنك ملی، سیاسی، اجتماعی واقتصادی منافعنك مدافعەسنی درعهده ایلکدر. بو هیئت، اوقراینا ملتی ايچون سیاسی استقلالك طلبي لزومنده اتحاد ایدن بوتون سیاسی فرقەلری و جریانلری تمثیل ایتمکدەدر. هیئت استخلاصیه شمدی به قدر صرف ايتديكي غيرتلرك وتشبثلرك حقيقت و فعلياته تحویل و تقلبی چارەلرینی آنجق و آنجق موسقوف چارلغنك دول متفقه طرقندن زمين هزيمته سرلمسنده كوريور. مستقل اوقراينا حكومتنك مشروطی، هر دائم مساواتپرور، آنجق بر هیئت تشریعیه به مالك، بوتون حقوق مليه واجتماعيه وسائرەيي كافل وضامن ومذهب مليسنه صاحب برحکومت حالنده تأسس وتشكلی بزجه مطلوب وملتزمدر.
اوقراينا ملتبله مسکون اراضیدن آنجق برقسمنك روس استبداد و مطلقيتندن تخليصه موفقيت الوير مسى حالنده هیئت استخلاصه، اوقرايناليلره مقر اولان بوتون قطعاتك حائز مختاریت بر مملکت حالنده آوستریا حدودلری داخلنه آلنمسنه صرف مقدرت ایدەجکدر.
مستقل بر اوقراينا حكومتنك عقب تشکلنده زراعته عائد امور وخصوصـانده اوقراينا كويليلرينك منافعنه اك موافق بر طرزده اصلاحات اساسیه اجراسته تشبث اولنەجقدر.
هیئت استخلاصه لك باشه حقار مقله موظف ومكلف اولدیغی وظائف فعليه وعاليه اوقدر مختلف ومتنوعدركه بونلر آنجق عمومی
بر صورنده ایما و ايضاح اولنەبيلير. هیئت استخلاصه، کندی مؤكللرينه مؤثر بر معاونت ابرازايده بيلمك ايچون روس او قرایناسنده هم ملی، هم سیاسی بر تشکیلات وجوده كتیردی. آوستریا - مجارستان اردوسی روس اوقرایناستی اشغال ایدر اتمز هئت استخلاصه بالادەکی تشکیلاتی او اراضی یه دخی تشميل وتطبيق ايتمکه مسارعت ایدەجکدر. بونك اوزرینه روسیەدن تفریق ایدیلن اراضيده وجوده كتيريلەجك سیاسی حکومت تأسیساتی، زراعت مسئلەسنك حلى وسائر امور حقنده اتخاذ مقرراته مأمور ملی بر قونغرەنك جمعی ايچون تداركانده يولنيلەجقدر. اوقراينـا ملتنك مدافعه منافعی وبو ملتك ســاسيات ومليت زمینندەکی تشبثلرينك موفقته اقترانی ايچون هیئت استخلاصه دول مختلفه وبين الملل قونفرانسلر ايله تماس ومناسباته كبريشـەجك و عینی زمانده اوقراینا حركت مليەسـنـك اوروپا افکار عمومیەسی نزدند. مظهر رغبت و معاونت اولمسی ايچون برطاقم نشريانده بولنمق، مخابراتی نشر واعلان ايتمك و سائر تدابيره مراجعت ايلمك صورتيله صرف غيرت وهمت ايلیەجکدر. اوقراینا هیئت استخلاصیەسی آوستريا اوقراینالیلری ایله دائمی بر تماسده قاەجقدر. اوستريا - مجارستان و آلمان اردولرينك غالبيتني وروسيەنك مقهوریتنی ازجان و دل آرزو وامید ایدن اوقراينالیلر ملل واقوام مختلفەنك حبسخانەسی اولان روسيەنك انقاضی اوزرنده حر ومستقل بر اوقراينا حكومتنك تأسيسى نصيب اولەجغی زمانی بيوك بر صبر سزلق ایله بکلیورلر.
