۳٤
حریت سابقەسنه حسرتکش اولان وهب وطنلرينك تخليصنى دوشونن بر چوق غير ممنون اصیلزادەلر میدانه آتیلدیلر. بو زمينده اك بيوك فعالیت، زادكان فرقهسنك صول جناحنی تشکیل ایدن حزب طرقندن كوسترلمشدر. بونار ایچلرنان قونت (قاپنیست Kapnist)ی مرخص صفتيله انتخاب ايدرك مومى اليهه روسیه خارجندەکی اوروپا سرای حکمداریلری نزدنده اوقراینا منافع ملیەسنی تمثيل ومدافعه ايتمك مأموريتنى توديع ايلمشلردر. بو تشبدن هیچ بر نمره و نتیجه حاصل اولامسته وروس جهاز اداره سنك تدريجاً اوقراينـايه تشملیله برابر اوقراينا طبقه علیاسنی روسلاشديرمق ايچون موسقوف حكومتنجه يوماً فيوماً متزايد برغيرت بذل ايدلسنه رغماً او قراینایی بركون روس اسارتندن تخليص ايتمك أمللرى و آرزولری بردرلو زوالپذیر اولەمدی. اوقراینایی نصلسه قورتارمق وسربست قيلمق فکری اون طقوزنجی عصرده فارماسون لوجه لرى تشكيل ايتمك صورتيله بينلونده بر رابطه وفاق و اتحاد وجوده كتيرن حريتيرور اوقرايناليلرك قلبنده اسکى سندن بیله فضله برشدت و قوت ایله اوياندى. صوکرەدن کورلدی که عینی فکر (دەقابريست Dekabrist)لر فرقەسی تشکیلات خفیه سنده دخی مهم بر عامل ومؤثر وظيفەسنی ایفا ایدییوردی. چفتلكات جسيمه اصحابندن (لوقاشەویچ Lukaschewytsch) اوزمان اوقراينانك تخليصى ايچون خفی بر جمعیت تشکیل ایتمش اولمق تهمتیله جهت عدلیەجه تعقیب اولندی.
١٨٢٥ سنهسی صوك بهارنده (مارقەویچ Markewytsch) نامنده بر اوقراينـا وطنپروری (ريليەف Rylejeff) اسمنده بر روس دەقابریستنه شو سطرلری یازدی: «اوقراينا اعاظمنك تاريخ مناقبی الآن چشم خیالمز اوکنده طوریور. اکثر اوقرايناليلرك قلوبنده
