٣٦
اوقراينا دعواسنى ظفره ايصال خصوصنده اك زياده خدمتلری سبق ايدن جماعتلر پترسبورغ وكيەف شهر لرنده بولنانلردی. مفکورۀ ملیه ایشته بو جماعتلرده محافظه و تقویه اولیوردی. روسيەنك يقين بر آتیده پارچه لنمسنی شدتله آرزو ایدن بر چوق اوقرايناليلر كرك ١٨٦٣ سنەسندەکی پولونیا اختلالته وكرك روس اختلالكار فرقه لرينك ترتيبات وتشكيلاتنه فعلاً اشتراك ايلديلر. اوقرايناليلرك روس اختلالجیلری ایله توحيد مساعیلری با خصوص ١٨٧٥ ايله ۱۸۸۰ سنەلری آره سنده اولدی.
۱۸۸۰ سنەسنه طوغرى قسما روس حرکت عمومیه اختلاليەسنك تأثیری آلتنده کنج اوقرايناليلر بیننده زيادەجه مفرط (radicai) وسوسياليست اختلالکار جريانلر باش كوستر مکه باشلادی. روس تشکیلات اختلالیەسی مرکزیت اصول و قاعدەلرینی تعقیب ایتدیکی حالده اوقراينا اختلالجیلری روسيه نك تجديد واصلاحتی (فهدەراسيون) اساسی اوزرنده تصور وتخيل ايليورلردی. اوزمانلر اوقرایناده اجتماعی و سیاسی (راديقاليزم) مسلكنك اك مهم بيشوا وممثلى پروفسور (ميخائل دراخومانوف Michael Drahomanor) ایدی. روس حکومتی طرقندن اوقراينالى ترك ايتمکه مجبور ايديلن بو آدم، بر منفی و مهاجر اولمق صفتيله كرك شخصيتي كرك محررات و تألیفاتی سایه سنده بوتون اوقراينا جمعیتی وباخصوص روسيەده و غاليچادەکی اوقراینا کنجلری اوزرنده فوق العاده بر نفوذ احراز ايلدى. بونك اوزرینه اوقراینا دار الفنون شاكردانی آره سنده (سوسیالیست- فەدەرالیست ) پارتيلری تشكل ايتدى. مع مافيه غالیچیادەکی (راديقال) فرقەسی طوغريدن طوغری یه (دراخومانوف)ك
