اتحادی» نامندەکی فرقەیی ذكر ايتمك لازمدر. بو فرقه باخصوص راديقاللر ودەموقراتلر ايچون برواسطة اتحاد اولمقده ايدى. مع مافيه فرقه مذکورهده صاغ جناح پارتيلرك دخى ممثلرى واردى. بواتحاد اوقرايناليلرك هيأت مشروعه مدنيەلری اوزرنده بيوك بر تأثير ونفوذه مالك ايدى.
اوقرانيا محافل اجتماعيەسنك اجراآت وتشبثاتنى وافكار ونظريات سیاسیەسنی شمدی به قدر اك طوغرى اولەرق تمثيل ايدنلر (دەموقرات - راديقاللر) ايله (سوسیالیست - دەموقراتلر)در. اوقراينا جمعیتی ايچنده صرف فعالیت ایتمش اولان دیكر حزبلر هیچ برزمان متين بر تشكيلاته مالك اوله مامشلر وافكار عمومیەده مسموع الكلم برهیئت واحده صورتنده میدانه چیقه مامشلردر. بوتون بو فرقەلرك غاية املی اوقراینایه استقلالى تأمين ايمك ايدى. مع مافيه ساحة عملياتده اونلر آنجق اوقراینایه آز چوق واسع ويا محدود بر مختاریت بخشی ايچون مطالبەلر درمیان ایتمکدن بشقه برشی یا په میورلردی. اونلر بومختارتی کندی غایه خياللرینه طوغرى ايلك بر مرحله اولەرق تلقی ایدییورلردی.
اوقراينا سوسیالیست دەموقرات تشکیلاتيله اوقرانيا دەموقرات - راديقال فرقەسی اوقرانيا حيات سياسيەسنده پك مهم بر رول اوینامشلردر. ١٩٠٥ دن ۱۹۰۷ به قدر، ملیتلرنى مدرك اولان شهر لردەکی واووەلردەکی اوقراينا عناصرينك اكثریسی بو ایکی فرقه تشکیلاتنه داخل بولنیوردی. ایکی فرقه آزچوق مشروع بر فعالیت صرف و ابرازی ایچون موجود اولان امکان و مساعدة محدوده دن قدرتلری يتديكى قدر استفاده ایتمکله برابر بومدت ظرفنده برچوق عمومی اجتماعلر عقد ابتديره رك ومتينغلر ترتيب ايليەرك اوقرايناليلرك مطالب مليەلری
